Námskeið: Ferlagreining og gerð verklags og handbóka

CCQ skólinn hefur nú verið endurvakinn og mun hann standa fyrir námskeiðum bæði í aðferðafræði gæðastjórnunar og CCQ gæðakerfunum í opinni dagskrá á nýju ári.

Námskeiðin eru stutt og hnitmiðuð og er markmið þeirra að auðvelda starfsfólki að taka virkan þátt í gæðastarfinu án langrar þjálfunar.

Allra vinsælasta námskeið skólans í gegnum árin er ferlagreining og gerð verklags og handbóka og verður fyrsta námskeiðið haldið 4. febrúar næstkomandi.


Skrá mig

Athugið! Skráningarhnappur virkar stundum ekki í síma en ávallt í tölvu.

Staður og stund:

  • 4. febrúar 2026
  • kl. 13 – 16
  • Nauthóll, Nauthólsvegur 106, 101 Reykjavík
  • Kaffiveitingar fylgja

Þú lærir:

Aðferð til að greina ferla, skipuleggja handbækur og rita leiðbeiningar um verklag sem er skýrt og aðgengilegt fyrir þann hóp starfsmanna sem á að tileinka sér það.

Námskeiðið er fyrir:

Námskeiðið er miðað að þörfum þeirra sem koma að gerð verklagsreglna og vinnulýsinga (SOP) og byggir á viðurkenndri aðferðafræði og er óháð kerfisnotkun.

Af hverju þetta námskeið?

Öll fyrirtæki byggja á þekkingu um hvernig best er að reka viðkomandi fyrirtæki og það er sú þekking sem gerir fyrirtæki verðmæt, sem sagt, uppskriftin að vörunni, þjónustunni og innviðunum. Við þekkjum öll sérleyfi (franchise) í veitingahúsa-, hótel-, endurskoðunar- og ráðgjafageiranum, en þau byggja á handbók sem er uppskriftin að því hvernig best er að reka fyrirtækið.

Á þessu námskeiði er farið yfir leiðir til að greina ferla og verklag og setja það fram í handbók fyrirtækisins, þannig að starfsmenn skilji og séu fljótir að tileinka sér það. Þekking á ferlagreiningu er hjálpleg í flestum störfum og ef ekki í vinnunni, þá heima fyrir.

Um námskeiðið:

Námskeiðið er stutt og hagnýtt þar sem farið verður í gegnum eftirfarandi þætti:

  • Skipulag handbóka
  • Ferilhugsun og hvað ferill er
  • Notkun Cross Functional flæðirita
  • Hvernig skilgreina á inntak, úrtak og ábyrgð í flæðiriti
  • Hvernig verklag er greint og sett upp í feril
  • Gerð verklagsreglna og vinnulýsinga, form og tilvísanir í kröfur

Námskeiðið fer fram með fyrirlestri, myndskeiði, umræðum og verkefni.
Þátttakendur þurfa ekki að nota fartölvu á námskeiðinu.

Leiðbeinandinn:

Kristín Björnsdóttir, rekstrarhagfræðingur og ráðgjafi á gæðastjórnunarsviði Origo er með áratuga reynslu af gæðastjórnun og innleiðingu hennar hjá fyrirtækjum og stofnunum af öllum stærðum og gerðum.
Þá hefur hún yfir 30 ára reynslu af kennslu hjá háskólastofnunum, Íslandsstofu og öðrum námskeiðshöldurum.

Verð: 48.500 kr.

ATH! Hægt er að sækja um styrk frá flestum menntasjóðum stéttarfélaga.

Umsagnir um námskeiðið:

  • Gagnlegt, efnið sett fram á einfaldan og skiljanlegan hátt.
  • Hnitmiðað og vel uppsett.
  • Flott í alla staði.
  • Það var greinilegt að Kristín hefur mikla reynslu og þekkingu á þessu sviði og kom efninu mjög vel frá sér.
  • Frábært að fá gögnin, á eftir að nýtast til að vinna úr námskeiðinu og til að prófa að nota í sínum verkefnum.
  • Framúrskarandi hæfni hjá kennara við að miðla efninu og þekkingin á því skein í gegn.
  • Skýr og góð framsetning sem hvetur til frekari þekkingarleitar og bestunar á því sem hingað til hefur verið unnið með.

Athugið! Skráningarform hér að neðan virkar stundum ekki í síma en ávallt í tölvu.

Skráning á námskeiðið: Ferlagreining og gerð verklags og handbóka